Më 8 korrik, aktorja e njohur amerikane, Naya Rivera, u zhduk pasi kishte qenë për udhëtim me varkë në liqen bashkë me djalin e saj 4 vjeç.
Dy ditë më parë u gjet i pajetë trupi i saj në liqen. Së fundmi, është zbardhur edhe autopsia e kryer mbi trupin e pajetë të aktores.
Zyra e kontrollit mjekësor të Ventura ka bërë të ditur se vdekja e saj është cilësuar aksidentale. “Gjetjet e autopsisë përshtaten me mbytjen dhe gjendja e trupit është në përputhje me kohën kur ajo ishte zhytur.
Në autopsi nuk u identifikuan lëndime traumatike ose sëmundje. Nuk ka asnjë indikacion nga hetimi apo ekzaminimi që droga ose alkooli luajtën një rol në vdekjen e saj, por ekzemplarët do të dorëzohen për testimin e toksikologjisë”, thuhet më tej.
