Menaxhmenti i Korporatës Energjetike të Kosovës e ka mbajtur në afat rekord premtimin për sa i përket shënimit të zonës në të cilën qytetarët janë njoftuar se liqeni i krijuar nga shkarkimi i ujit industrial nuk është për rekreacion.
Lajmi u bë i ditur nga ushtruesi i detyrës së Shefit Ekzekutiv të KEK-ut, Luigj Imeri, i cili deklaroi se premtimi i dhënë të hënën gjatë vizitës së Kryetarit të Kuvendit, Vjosa Osmani me kryetaren e komisioneve parlamentare zonj. Albena Reshitaj, z. Liburn Aliu, zonj. Mimoza Kusari – Lila, dhe Avokati i Popullit z. Hilmi Jashari, së bashku me Kryetarin e Komunës së Obiliq Z. Xhafer Gashi për një javë u krye në kohë rekord për 4 ditë.
Referuar kërkesës së zonjës Osmani, për vendosjen e sinjalistikës profesionale nga ku i premtova se sinjalizimi tek kolektori industrial i ujit do të përfundojë brenda një jave! Ne e përmbushëm premtimin brenda katër ditësh, sot, e premte, u vendosën shenjat duke këshilluar qytetarët që kjo zonë nuk preferohet të përdoret për rekreacion.
Shenjat u vendosen çdo 50 metra, gjithsej 30 prej tyre,L.I. thuhet në njoftimin e KEK-ut, raporton Telegramisot
