Kryeministri Hoti: Në tubimin e VV’së u shkelën të gjitha udhëzimet e institucioneve shëndetësore
Sot në Kosovë janë regjistruar edhe 58 raste të reja me koronavirus. Kryeministri i Kosovës, Avdullah Hoti ka thënë se situata me koronavirus në Kosovë është alarmante, shkruan Gazeta Metro.
Hoti tha se nëse vazhdon rritja e numrit të të prekurëve duhet t’i kthejmë përsëri masat.
“Nëse nuk vetëdijesohemi t’i respektojmë masat, atëherë do t’i kthejmë masat që kanë qenë më herët. Bëj apel tek secili qytetar, ky rezultat që është arritur, nuk duhet të hidhet poshtë me pakujdesi, ne duhet të kthehemi në jetën e përditshme por është tepër e rëndësishme të respektohen udhëzimet e ekspertëve shëndetësorë”, tha Hoti para mediave.
Kryeministri Hoti foli edhe për tubimin e Vetëvendosjes duke thënë se u shkelën të gjitha udhëzimet e institucioneve shëndetësore.
Hoti tha se ka frikë që tubimi i sotëm i ka shkelur të gjitha udhëzimet e institucioneve shëndetësore,.
“E para tubimet e tilla janë e drejtë demokratike, për të shprehë cfarëdo opinioni. Kam frikë që sot ky tubim i shkeli të gjitha udhëzimet e institucioneve shëndetësore”, tha Hoti
