Iniciativa e një grupi të artistëve sot u konkretizua dhe rreth 80 mijë qytetarët nga komuna e Suharekës më në fund do të ketë Teatrin e Qytetit të Suharekës.
Themelimi i Teatrit të Qytetit të Suharekës tashmë ka marrë përkrahjen e nevojshme dhe në mbledhjen e Kuvendit Komunal te Suharekës, me 21 vota pro dhe 4 apstenime u votua ligji për themelimin e Teatrit të Qytetit të Suharekës.
Vetë kryetari i kësaj komune, Bali Muharremaj e ka përkrahur këtë iniciativë të artistëve, pasi që do ta ringjallte jetën teatrore në qytet.
“Suhareka e ka një traditë teatrore dhe ne si komunë po provojmë që ta themelojmë një teatër në bazë të ligjit të ri për teatrot. Do të mundohemi që t’u krijojmë artistëve disa kushte të favorshme. Kemi njerëz që janë profesionistë për atë punë dhe do të themelojmë atë dhe me qenë aktiv.
Ju rikujtojem se iniciativa në Kuvendin Komunal për themelimin e Teatrit ka pasur edhe në të kaluaren nga Partia Demokratike e Kosovës në Suharekë.
Grupi i artistëve, Brahim Basha, Saranda Elshani, Astrit Bytyqi, Butrit Lumi, Burhan Sejdiu e shum artist të tjer, ka dy vjet që e kanë iniciuar themelimin e Teatrit të Qytetit të Suharekës dhe kërkesën e drejtuar institucioneve komunale e kanë protokolluar qysh në fillim të muajit mars të këtij viti.
Kuvendi Komunal e votoje me 21 vota pro dhe 4 apstenime për themelimin e Teatrit të Qytetit të Suharekës.
