Presidenti i Kosovës, Hashim Thaçi, ka thënë se nga shërbimet ka marrë vesh që liderit të AKR’së, Behgjet Pacolli ditë më parë iu rekomandua të mos atërojë në Prishtinë, pasi që i rrezikohej jeta.
Kështu ka deklaruar në Opinion të Tv Klan, ku ka flur rreth deklaratës së Pacollit rreth ndonjë sulmi të mundshëm nëse ateron në Prishtinë.
“Ka qenë një turp i madh çfarë është pretenduar që t’i ndodhë atij. Ne kemi marrë të dhëna, informacione nga shërbimet mike që jeta e tij rrezikohej sikur atë ditë t’ia mësynte Prishtinës, prandaj është treguar i mençur dhe e ka devijuar flutaraken e vet në drejtim të Tiranës dhe pastaj ka ardhur në Prishtinë me flutaraken e tij”, ka thënë Thaçi në Opinion të TV Klan.
Kujtojmë se Pacolli pas dramës së madhe që u bë me kthimin e tij nga Zvicra, ateroi fillimisht në Tiranë e më parë erdhi në Prishtinë, pasi që siç tha u frikësua nga ndonjë ‘sulm terrorist nga ana e institucioneve të Kosovës’.
Ndryshe, Qeveria në detyrë e Kosovës kishte kërkuar nga Pacolli që me të ardhur në Prishtinë të vendosej në karantinë sikurse të gjithë ata që hyjnë në territorin e Kosovës nga vendet tjera.
Por, Pacolli kishte kërkuar të mos i nënshtrohej këtij rregulli duke thënë se ai nuk po lejohet të kthehet në Kosovë për të penguar zgjedhjen e qeverisë së re.
