Një burrë nga Wisconsin-i i Shteteve të Bashkuara të Amerikës i ka vrarë pesë anëtarë të familjes, përfshirë një 14-vjeçar, por e ka kursyer një fëmijë të vogël.
Pasi e kishte kryer krimin e shumëfishtë, ai e kishte telefonuar policinë dhe i kishte thënë se familje e tij është e vdekur, bëri të ditur zyrtari policor, Alfonso Morales, gjatë një konference për gazetarë.
Kur policët arritën në vendin e ngjarjes, ata i gjetën viktimat pa shenja jete. Identitetet e tyre nuk janë bërë publike, por autoritetet thanë se viktimat ishin të moshës 14 deri 41-vjeçare.
Brenda shtëpisë ku ndodhi sulmi u gjet edhe një 3-vjeçar, i cili besohet të jetë kursyer qëllimisht nga sulmuesi. Ai u dërgua në spital për t’u kontrolluar nëse ka pësuar ndonjë lëndim.
Sulmuesi është identifikuar si Christopher P. Stokes, 43 vjeç. Ai është arrestuar dhe është dërguar në mbajtje. Motivi i sulmit nuk është bërë i ditur ende.
Policia tha se krimi i tmerrshëm ndodhi në një lagje më të varfër, ku banorët e zonës përballeshin me stres të madh, shkruan “Daily Mail”, transmeton Telegramisot
Shkalla e varfërisë në këtë pjesë është 26 për qind, që është mbi 50 për qind më e lartë se mesatarja kombëtare.
