Emisari i Donald Trump për dialogun Kosovë – Serbi, Richard Grenell, e ka shpërndarë në llogarinë e tij në Tëitter qëndrimin e ambasadës së SHBA’së në Kosovë, ku thuhet se janë kundër vendosjes së masave të reciprocitet ndaj Serbisë.
Ambasada Amerikane më herët përmes një qëndrimi zyrtar kanë deklaruar se janë për heqje të plotë të taksës 100 përqind, pa vendosur masë reciprociteti.
Në këtë njoftim, thuhet se këto masa e rrezikojnë popullin e Kosovës dhe e ngulfatin ekonominë e vetë vendit.
“Shtetet e Bashkuara ishin të qarta se Kosova duhet të heqë të gjitha tarifat dhe të mos krijojë barriera të reja sepse këto politika lëndojnë njerëzit e Kosovës dhe e ngulfatin ekonominë e vetë Kosovës. Mbesim në kundërshtim të veprimit të fundit për zbatimin e masave të reciprocitetit ndaj qarkullimit të mallrave nga Serbia. Këto masa krijojnë më shumë probleme në kohën kur SHBA-të besojnë se marrëveshjet për linjë ajrore, hekurudhore, dhe për autostradë, të arritura mes të dyja palëve, do të rrisin zhvillimin ekonomik kur ato të zbatohen, dhe do të krijojnë kushtet e nevojshme për dialog të suksesshëm”, thuhet në reagim.
Ndaj kësaj ka reaguar edhe ambasadori Richard Grenell me një ‘retëeet’ në llogarinë e tij në Tëitter, ashtu edhe siç pritej pasi që SHBA ka qenë kundër masave të reciprocitetit që prej fillimit.
Kujtojmë se për çështja e taksës ka qenë edhe një prej arsyeve pse LDK ka rrëzuar Kurtin në Kuvend me mocion mosbesimi që është përkrahur nga 82 deputetë të Kuvendit.
