Kosnett e jep lajmin e mirë për Kosovën

Ambasadori i Amerikës në Kosovë, Philip Kosnett, ka konfirmuar se Qeveria e Kosovës ka pranuar 1.1 milionë dollarë nga Shtetet e Bashkuara të Amerikës, në përballjen me pandeminë e koronavirusit, shkruan Gazeta Metro.

Kosnett këtë e ka thënë në një video të shpërndarë në rrjetin social Twitter, ku ndër të tjera shtoi se bashkë mundet edhe virusi Covid-19.
“Qeveria e Kosovës ka pranuar 1,1 milion dollarë nga SHBA për të siguruar mbështetje operacionale dhe për të rritur aftësinë e reagimit të Kosovës për të ndaluar transmetimin e mëtejshëm dhe për të zbutur ndikimin e COVID-19. Së bashku ne mundim”, ka thënë ai.