Kabineti qeveritar i Kosovës, ka mbajtur të shtunë një takim në Prevallë, ku janë dakorduar për programin qeverisës 2020-2023. Disa orë pas takimit kryeministri Albin Kurti ka folur për mbledhjen e qeverisë.
Përmes një postimi në Twitter, Kurti ka thënë se qeveria ka draftuar një program që do t’ia transformojë jetën njerëzve në Kosovë.
Kryeministri ka theksuar se do ketë investime në edukim, ekonomi, hapjen e vendeve të reja të punës si dhe në drejtësi, që sipas tij këtij janë prioritetet kryesore të qeverisë së tij.
“Sot, qeveria që Kosova e votoi masivisht në zgjedhjet e 6 tetorit e që u votua në Kuvend më 3 shkurt, draftoi një program që do të transformojë jetën e njerëzve. Investime në edukim, hapjen e vendeve të reja të punës, reformën në sistemin juridik, janë disa nga prioritetet tona”, ka shkruar Kurti në Tëitter.
Ndërkaq, zëvendëskryeministri i parë i Qeverisë së Kosovës, Avdullah Hoti, ka thënë të shtunën se në mbledhjen gjithë ditore në Prevallë, janë definuar tri çështje.
Sipas tij, bëhet fjalë për përmbylljen e programit qeverisës 2020 – 2023, diskutimin e problemeve që kanë gjetur në secilën ministri dhe dakordimin për masat e menjëhershme që duhet të ndërmerren.
E përkundër që koalicioni qeverisës, kanë mos pajtime për taksën ndaj Serbisë, në mbledhjen gjashtë ditorë në Prevallë, kjo gjë nuk u diskutua.
