Pjesëtarë të forcave të rendit shkuan një vend, afër kafeve të vogla në kryeqytet, rreth orës 16, pasi u thirrën për një konflikt fizik.
Në të, në njëfarë mënyre u përfshi edhe zëvendësministri i brendshëm, Xhelal Svecla.
Ai, në fakt, nuk ishte cak sulmi, por reagoi ndaj një akti që u nxit nga persona tjerë në lokalin e rrugës Fehmi Agani.
Këtë e konfirmoi edhe policia. Vetë Svecla ishte i paqasshëm në telefon për të treguar në lidhje me ngjarjen, por institucioni ku ai punon, Ministria e Brendshme dha një sqarim.
Edhe në partinë e Sfeçlës, Vetëvendosje, thanë se anëtari i saj reagoi ndaj sulmit që iu bë një të riu, dhe kjo, sipas Arlind Manxhukës, ishte veprim i drejtë.
Klan Kosova e pati të pamundur të flasë me palët tjera të përfshira në incident, ndërsa pronari i lokalit nuk pranoi të bëjë ndonjë koment.
