Nga të shtënat me armë zjarri në afërsi të Grandit në Prishtinë një person ka mbetur i plagosur, derisa i dyshuari është arrestuar.
Këtë e ka konfirmuar për Koha zëdhënësi i Policisë së Kosovës, Bajram Krasniqi.
Ai gjithashtu ka bërë të ditur se një tjetër është lënduar, por që nuk ka pasur nevojë për tretman mjekësor.
“Sot, më 22.02.2020 rreth orës 03:36, policia është njoftuar se në rrugën ‘Garibaldi’ në Prishtinë ka të shtëna me armë zjarri. Njësia policore ka dal në vend të ngjarjes, kanë arrestuar të dyshuarin tek i cili është gjetur një armë me një karikator dhe tre fishekë. Në vendin e ngjarjes është hasur edhe viktima i cili kishte marr plagë në këmbë nga arma e zjarrit, ai është dërguar në QKUK për trajtim mjekësor. Po ashtu një mashkull tjetër ka marr lëndime trupore nga persona të panjohur”, ka thënë Krasniqi.
I dyshuari është dërguar në mbajtje, derisa viktima pas tretmanit është liruar nga QKUK-ja.
“Në lidhje me rastin është arrestuar një i dyshuar. Në vend e ngjarës janë gjetur dy gëzhoja të kalibrit 7.65. Është njoftuar prokurori kujdestar, me akt-vendim të tij i dyshuar është dërguar në mbajtje. Viktima pas tretmanit në QKUK është liruar”, ka thënë Krasniqi.
