Një aksident ka ndodhur këtë mbrëmje në Malësinë e Madhe. Një makinë ka përplasur një 49 vjeçare, e cila si pasojë e plagëve të marra ka ndërruar jetë.
Fjala është për shtetasen me inicialet A.Ç, me origjinë nga Kopliku.
“Më datë 16.02.2020, rreth orës 18:25, në fshatin Pjetroshan, Malësi e Madhe mjeti me drejtues shtetasin B. J. 51 vjeç, banues në Shkodër, ka aksidentuar shtetasen A. Ç. 49 vjeçe, banuese në Koplik, ku si pasojë ka ndërruar jetë. Drejtuesi i mjetit është shoqëruar ne ambientet e D. V. P. Shkodër për veprime të mëtejshme. Grupi hetimor vijon punën për sqarimin e rrethanave të aksidentit”-njofton policia.
