Richard Grenell, i dërguar i posaçëm i Presidentit amerikan Donald Trump për dialogun Kosovë – Serbi, pas darkës me presidentin Hashim Thaci në Prishtinë, kërkon që të bëhet progres, duke u hequr tarifat.
Grenell arriti në mbrëmjen e së mërkurës në Prishtinë, për ta takuar fillimisht presidentin Thaci.
Emisari i Trumpit, i cili tha se nuk erdhi në Kosovë për t’u përzier në debatin politik, por për zhvillim ekonomik, ka shkruar se jemi të detyruar për progres, e kjo përfshin heqjen e tarifave.
“Faleminderit zoti President. Ne jemi të detyruar të bëjmë progres – që e përfshin heqjen e tarifave”, thuhet në komentimin që Grenell ia ka bërë një postimit të Thaçi në Twitter.
Qeveria e Kosovës një vit në nëntor të vitit 2018 i ka vënë tarifë 100 për qind produkteve të Serbisë.
Ndërkaq, Grenell nesër do ta takojë liderin e Lëvizjes Vetëvendosje, Albin Kurtin dhe kreun e LDK’së, Isa Mustafën, të cilët janë në negociata për formimin e Qeverisë. Telegramisot.com
