Policia e Vlorës ka arrestuar një 23 vjeçar me inicialet K.K, pasi ky dyshohet se ka djegur veturën e nënës së tij.
Dje në zonën e skelës, automjeti tip ‘Renault Clio’ në pronësi të shtetases A.K, u përfshi nga flakët dhe për pasojë u dogj plotësisht.
Specialistët e hetimit të krimit kanë zbuluar se ky shtetas i ka vënë zjarrin mjetit të nënës së tij, për motive të dobëta, raporton Top Channel përcjellë Klan Kosova.
Njoftimi i Policisë:
Vlorë
Zbardhet ngjarja e ndodhur nē zonën e Skelës ku u dogj plotësisht një automjet.
Ditën e djeshme, në zonën e skelës, automjeti tip Renault Clio, në pronësi të shtetases A.K, u përfshi nga flakët dhe për pasojë u dogj plotësisht.
Menjëherë policia filloi hetimet në lidhje me rastin, ku nga hetimet dhe provat e grumbulluara, u bë zbulimi, identifikimi dhe kapja e autorit duke vendosur para përgjegjësisë penale shtetasin:
K.K., 23 vjeç, banues në Vlorë, i biri i shtetases A.K (pronares së mjetit).
Specialistët e hetimit të krimit kanë zbuluar se ky shtetas i ka vënë zjarrin mjetit të nënës së tij, për motive të dobëta.
Materialet iu referuan Prokurorisë për veprime të mëtejshme.
