Lëvizja Vetëvendosje ka bërë një dedikim duke uruar Lidhjen Demokratike të Kosovës, me rastin e shënimit të 30 vjetorit të themelimit të saj.
Në një mesazh në Facebook, VV thotë se në kohën e vështirë të 1989-ës, LDK lindi si një lëvizje politike, njofton Klan Kosova.
”Para 30 vjetëve ishte kohë e vështirë: 1989 ishte vit i suprimimit të autonomisë së Kosovës nga regjimi i Millosheviqit, burgjet gjithandej Serbisë e Jugosllavisë ishin mbushur përplot me shqiptarë, kurse demonstratat në Kosovë bëheshin të fuqishme dhe të shpeshta.
Po shpërbëhej federata, populli kërkonte republikë, LDK lindi si lëvizje politike, shoqërore e intelektuale, me në krye Dr.Ibrahim Rugovën.
Shumë punë e përpjekje janë bërë për demokraci dhe liri, nga mijëra e mijëra aktivistë të devotshëm.
Urime ditën e themelimit!”
