Biznesmeni dhe humanisti i njohur shqiptar, Avni Ponari, ka vizituar Liqenin e Ujmanit, ku gjatë qëndrimit të tij është takuar edhe me pjesëtarë të Policisë së Kosovës.
Ponari, një nga biznesmenët më të njohur në Shqipëri e Kosovë dhe pronar i një prej kompanive më të mëdha të sigurimeve në të dyja vendet Sigal, ka ndarë përshtypjet e tij nga vizita në Ujman.
Ai ka veçuar në mënyrë të posaçme punën dhe profesionalizmin e Policisë së Kosovës, duke i cilësuar pjesëtarët e saj si një “skuadër model”.
“Dje në Liqenin e Ujmanit, takuam edhe një skuadër të Policisë model të Kosovës”, ka shkruar Ponari.
Vlerësimi i tij vjen pas takimit me zyrtarët policorë që shërbejnë në këtë zonë, ndërsa vizita në Ujman shënon një tjetër moment ku personalitete nga hapësira shqiptare shprehin vlerësimin për institucionet e Kosovës.
Ujmani, përveç rëndësisë së tij strategjike dhe ekonomike për Kosovën, vazhdon të jetë edhe një nga zonat më të vizituara të vendit, veçanërisht gjatë sezonit veror.
