Afaristi dhe mbështetësi i Aleancës për Ardhmërinë e Kosovës (AAK), Rasim Smajlaj, ka falënderuar familjarët, miqtë, bashkëpunëtorët dhe qytetarët e Kosovës për mbështetjen e dhënë në zgjedhjet e 7 qershorit.
Përmes një postimi publik, Smajlaj shprehu mirënjohjen e tij për besimin dhe përkrahjen e marrë gjatë procesit zgjedhor, duke theksuar se mbështetësit ishin forca kryesore që i dha motivim dhe kurajë për të vazhduar angazhimin e tij politik.
Ai veçoi ata që, sipas tij, qëndruan pranë Aleancës edhe në momentet më të vështira, duke dëshmuar rëndësinë e unitetit, besimit dhe përkushtimit.
Në mesazhin e tij, Smajlaj i kushtoi vëmendje të veçantë të rinjve, të cilët i cilësoi si shpresën dhe potencialin më të madh të Kosovës.
“Jam veçanërisht krenar për të rinjtë tanë, të cilët me energjinë, dijen dhe vullnetin e tyre po ndërtojnë një të ardhme më të mirë për Kosovën,” ka shkruar ai.
Në fund, Smajlaj theksoi se angazhimi i tij dhe i Aleancës do të vazhdojë për ndërtimin e një Kosove demokratike, të drejtë dhe të zhvilluar, duke mbrojtur interesat e qytetarëve dhe vlerat që, sipas tij, e bëjnë vendin krenar.
“Faleminderit për besimin tuaj!”, përfundon mesazhi i tij.
