Gjakovë – Një hap i madh për kujdesin dhe përfshirjen e fëmijëve me autizëm është shënuar sot me hapjen e qendrës më moderne për trajtimin e autizmit në Kosovë, me seli në Gjakovë.
Kjo qendër sjell për herë të parë në vend një kombinim unik të teknologjisë bashkëkohore dhe shërbimeve profesionale, duke ofruar trajtim të specializuar dhe gjithëpërfshirës për fëmijët me çrregullime të spektrit të autizmit.
VIDEO
E pajisur me aparatura moderne dhe ambiente të dizajnuara posaçërisht për terapi zhvillimore, qendra do të ofrojë shërbime nga një staf i kualifikuar që përfshin psikologë, logopedë dhe fiziatër.
Qasja multidisiplinare synon të përmirësojë aftësitë komunikuese, motorike dhe sociale të fëmijëve, duke u dhënë atyre më shumë mundësi për integrim në shoqëri.
Drejtuesja dhe pronarja e qendrës Mimoza Smajlaj, theksojë se misioni i tyre është të sjellin standarde evropiane në trajtimin e autizmit dhe të ofrojnë mbështetje të vazhdueshme jo vetëm për fëmijët, por edhe për familjet e tyre.
Hapja e kësaj qendre konsiderohet një zhvillim i rëndësishëm për shëndetësisë dhe mirëqenies sociale në Kosovë, duke ofruar shpresë, trajtim cilësor dhe një të ardhme më të mirë për shumë fëmijë. ????
