Kryetari i Komunës së Vitisë, Sokol Haliti,qëndroi për vizitë zyrtare në disa ditore në Austri, ku merri pjesë në Konferencën Evropiane për Biomasën, e cila po mbahet në qytetin e Gracit.
Në këtë konferencë të nivelit të lartë marrën pjesë përfaqësues të Bashkimit Evropian, institucione të nivelit qendror të Austrisë, si dhe autoritetë dhe ekspertë ndërkombëtarë të fushës së energjisë dhe mjedisit.
Gjatë diskutimeve, vëmendje e veçantë iu kushtua potencialit të Kosovës për zhvillimin e biomasës së drurit si burim i rinovueshëm, i qëndrueshëm dhe alternativ ndaj energjive fosile.
Konferenca u vlerësua si një mundësi e rëndësishme për lidhjen e partnerëve evropianë, si dhe për eksplorimin e rrugëve konkrete për rritjen e përdorimit të qëndrueshëm të biomasës, përmes politikave të përmirësuara, investimeve strategjike dhe teknologjive moderne.
Me këtë rast, Kryetari Haliti theksoi se përdorimi i biomasës paraqet një rëndësi të veçantë për Kosovën, duke e konsideruar atë si një zgjidhje të arsyeshme dhe të domosdoshme për të reduktuar varësinë nga burimet fosile, për të mbrojtur ambientin dhe për të përmirësuar shëndetin publik.
Në kuadër të vizitës zyrtare, Kryetari Haliti zhvilloi edhe takime të rëndësishme bilaterale, ndër të cilat vlen të veçohet vizita në Komunën e Kapfenbergut, ku u prit nga udhëheqja komunale dhe realizoi një takim zyrtar me Nënkryetaren e Komunës, znj. Monika Vukelic-Auer, MBA.
Në këtë takim ishin të pranishëm edhe veprimtarë dhe udhëheqës të shoqatave shqiptare në Austri, z. Naim Sadiku dhe z. Gani Maxhuni, me ndërmjetësimin dhe angazhimin e të cilëve u mundësua realizimi i këtij takimi. Ata u vlerësuan për kontributin e tyre të vazhdueshëm në forcimin e lidhjeve ndërmjet mërgatës shqiptare dhe institucioneve vendore.
Gjatë bisedimeve u diskutua për forcimin e bashkëpunimit ndërkomunal, shkëmbimin e përvojave në qeverisjen lokale, zhvillimin e qëndrueshëm, si dhe për mundësitë e bashkëpunimit në projekte konkrete me interes të përbashkët.
Në Konferencën Evropiane për Biomasën marron pjesë gjithashtu edhe përfaqësues të ADA-s austriake, çka e rrit më tej rëndësinë e këtij forumi për krijimin e kontakteve dhe partneriteteve të reja.
Këto aktivitete synojnë përfaqësimin dinjitoz të Komunës së Vitisë në arenën ndërkombëtare, si dhe ndërtimin e bashkëpunimeve që mund të sjellin përfitime konkrete dhe zhvillim të qëndrueshëm për qytetarët e Vitisë.
Takimi i fundit i vizitës në Graz nga Sokol Haliti ishte me kryetaren e qytetit të Grazit, znj. Elke Kahr, ishte një përmbyllje shumë e suksesshme.
Ku në një atmosferë konstruktive, diskutuan tema me interes të ndërsjellë dhe mundësi bashkëpunimi, duke e mbyllur këtë vizitë me rezultate të prekshme dhe mesazhe pozitive për vazhdimin e komunikimit në të ardhmen.
