Kryetari i Degës së LDK-së në Vushtrri, Xhafer Tahiri, ka njoftuar dorëheqjen nga posti, duke e cilësuar vendimin si akt përgjegjësie dhe hapje të rrugës për energji të reja në parti, shkruan Reporteri.net.
Ai rikujtoi rrugëtimin e tij politik që nga viti 2009 dhe shërbimin si kryetar komune në periudhën 2017–2021. Tahiri theksoi rezultatet elektorale ndër vite dhe veçoi fitoren e vitit 2017 si moment historik për LDK-në në rajon.
Tahiri u shpreh mirënjohës për mbështetjen e qytetarëve dhe aktivistëve, duke thënë se dorëheqja është vetëm largim nga pozita, jo nga angazhimi. Tahiri konfirmoi se do të vazhdojë punën në strukturat qendrore të LDK-së.
21 dhjetor ose 11 janar, datat e preferuara të Haradinajt për zgjedhjet e jashtëzakonshme
Postimi i plotë:
Të dashur qytetarë të Vushtrrisë,
Të respektuar anëtarë, aktivistë dhe miq të LDK-së,
Ka ditë kur njeriu flet vetëm nga zemra, sot është një prej atyre ditëve.
Me shumë dashamirësi, reflektim dhe përgjegjësi të thellë politike, kam marrë vendimin të jap dorëheqjen nga detyra e Kryetarit të Degës së LDK-së në Vushtrri.
Ky vendim nuk vjen as nga lodhja, as nga zhgënjimi. Vjen nga dashnia e madhe që kam për qytetin e zemrës dhe nga respekti që kam për secilin prej jush.
Besoj se udhëheqja duhet të dijë jo vetëm kur të prijë, por edhe kur të hapë rrugë për energji të reja, për një kapitull tjetër të LDK-së në Vushtrri.
Rruga ime politike ka filluar shumë herët.
Në 2009, kur më besuat drejtimin e FRLDK-së në Vushtrri, e më pas në gjithë Kosovën, unë isha vetëm një i ri i rritur me LDK e me ëndrra dhe idealizëm. Ju më hapët derën dhe unë u betova që kurrë të mos ju zhgënjej.
Që nga 2017, çdo ditë e jetës sime ka qenë në funksion të këtij qyteti. Kam punuar me zemër, me ndershmëri dhe me bindjen e thellë se Vushtrria meriton më shumë. Nderi i jetës sime ka qenë të shërbej si Kryetar i Komunës 2017–2021, një periudhë e mbushur me punë, sfida, por edhe me projekte që kanë lënë gjurmë. Unë jam krenar për çdo hap që kemi bërë bashkë.
Rezultatet tona elektorale e tregojnë rrugën tonë:
2009 – 4,486 vota
2013 – 5,418 vota
2017 – 5,302 vota
2021 – 8,615 vota
