Kryetari i LDK-së, Lumir Abdixhiku në fjalën e tij në Kuvend në seancën e jashtëzakonshme ka krahasur Albin Kurtin me personazhin e Don Kishotit. Sipas Abdixhikut, Kurti është personazh tragjiko-komik.
Para deputetëve të Kuvendit, Abdixhiku tha se Kurti kur zgjodhet në mëngjes çdo ditë, sheh dhe krijon veç kundërshtarë.
“Sot dua t’i drejtohem kësaj salle me një pamje të thjesht por fatkeqësisht i dëmshëm për realitetin tonë, atë të Don Kishotit si një metaforë politike sepse për fat të keq shteti ynë, republika jonë ka një kohë që po udhëhiqet jo nga arsyeja por nga një realitet paralel që e sheh veç një njeri politik në vend, Albin Kurti”.
“Për ju që bërtisni teksa flasim ne këtu, Don Kishoti është një nga personazhet më të famshme të letërsisë, figurë komplekse, tragjike, shpeshëherë komike, pra figurë tragjiko-komike. Sikur Don Kishoti i Servantesit dhe Albin Kurti i VV-së, zgjodhet çdo mëngjes në një botë që e ka krijuar vetë dhe në atë botë Albin Kurti i VV-së sheh dhe krijon veç kundërshtar”, tha Abdixhiku para deputetëve.
Kryetari i LDK-së tha se prioritet i Kurtit nuk janë temat që i prekin qytetarët. Sipas tij, dita e sotme është tetrale. Për Glauk Konjufcën, Abdixhiku e ka krahasur me shoqëruesin e Don Kishotit, “Sanço Pançon”.
“Në vend se të merret e të përballet me realitetin e vendit, me ekonominë që ka ngecur, me barrën e madhe të familjeve, me izolimin që na i ka mbyllë dyertë, me skandalet e mëdha korruptive që i sillen rreth rrethit të tij, ai ka zgjedhur të ndërtojë përballje të shpikura me mullinjtë e erës, sepse temat që i prekin qytetarët s’janë prioritet i tij”.
“Fundja ai që e ka breng bllokadën, krizën, nuk i shpenzon 15 ditë kot për të ardhur me rezultatin e njëjti, pa vota për shumicë. Ai që do shfaqje teatrale, që do mullinjtë e erës, sikur Don Kishoti dhe Albin Kurti, pret tension, pret konflikt. Albin Kurti nuk do të jetojë pa kontrast politik, e ushqen, punon dhe jeton për këtë, sepse pa të s’bën asgjë. Dhe sot e shohim këtë ditë kështu, një shfaqje teatrale, me apetit të pakufizuar për karrige”
“Shoh të rrethuar sikur Don Kishoti, me Sanço Panço që duartrokasin, që të justifikojnë çdo dështim, të ushqejnë çdo fantazi që e ke vetëm për të ruajtuar privilegjin e tyre të vogël. Dhe këto Sanço Panço janë në gjendja ta na shpenzojnë edhe 15 ditë dhe vijnë e na mbajnë fjalime këtu se duhet të votojmë për të mirën e Republikës”, tha tutje Abdixhiku.
