Në Hagë ka nisur dëshminë e tij, diplomati amerikan, Christopher Hill ka folur edhe për takimin e parë me ish-presidentin Ibrahim Rugova.
Ai tha se me Rugovën ishte takuar për herë të parë në vitin 1999 në rezidencën e ambasadorit amerikan atë kohë, Warren Zimmermann.
Hill foli për takimin me Rugovën, kur po tregonte se në bisedimet që kishte pasur me palën serbe dhe kosovare, tek Serbia ai theksoi se ishte vetëm një person, Sllobodan Millosheviq, ndërsa për tek pala kosovare ishte pak më e vështirë, pasi siç tha ai “gjithkush kishte një mendim”.
“Ishte e rëndësishme që të bisedohej me palë të ndryshme të cilat do ishin pjesë e zgjidhjes apo problemit pastaj. Kam kaluar shumë kohë në përpjekje për tu marrë për të komunikauar qoftë nga pala serbe, qofte nga ana e Kosovës. Nga pala serbe kam punuar me Presidentin Millosheviq dhe ekipin e tij. Pala serbe ishte e kufizuar, ishte kryesisht Millosheviq.
Në Kosova ka qenë sfidë. Gjithkush kishte një mendim. Problemi ishte të gjindej dikush që kishte autoritet. Një nga ta ishte kreu i LDK-së, Ibrahim Rugova. U takova për herë të parë në vitin 1999 në rezidencën e Ambasadorit Warren Zimmermann, dhe ai ishte një udhëheqës në Kosovë i mirëvendosur dhe i mirëpranuar, por përkundër Serbisë, Rugova nuk ishte personi i vetëm që mund të bisedohej.
“Në Serbi ishte vetëm një person me të cilin komunikonim. Kjo situatë nuk reflektohej në Kosovë, atje kishte diskutime. Por nuk kuptohej në mënyrë të gjerë pozita e Kosovës, as Presidenti, ta quaj kështu pasi kishte titullin Kryetar i LDK-së, edhe kur flisja me të nuk mund të prisja që diçka të zbatohej, duhej të hskonim më shjumë se kaq”, tha Hill gjatë dëshmisë së tij në Hagë.
