Janë hapur vendvotimet për zgjedhjet për kryetarë në 18 komuna.
Votimi në raundin e dytë do të mbahet në 18 komuna të vendit, në të cilat s’u zgjodh kryetari me të parën.
Komunat ku do të ketë garë janë Prishtina, Prizreni, Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Rahoveci, Peja, Suhareka, Vitia, Vushtrria, Juniku, Mamusha dhe Kllokoti.
Zgjedhjet lokale janë mbajtur më 12 tetor, ndërsa në këto 18 komuna asnjë kandidat nuk arriti shumicën e nevojshme në raundin e parë, prandaj procesi po vazhdon në balotazh.
Për këtë balotazh, KQZ do të hapë 507 qendra votimi dhe 1.628 vendvotime të rregullta, si dhe 18 qendra dhe 20 vendvotime me kushte.
1.690 votues do të hedhin votën për herë të parë.
