Shefi i NATO-s, Mark Rutte, ka bërë të ditur të mërkurën se aleanca ushtarake dhe Bashkimi Evropian po punojnë së bashku për të ngritur një mbrojtje kundër dronëve, për të garantuar sigurinë e vendeve anëtare nga inkursionet ajrore.
I pyetur nëse po dyfishonin përpjekjet, Rutte tha se BE-ja dhe NATO-ja kanë role të ndryshme, duke shtuar se “NATO-ja po ofron kapacitete ushtarake, ndërsa BE-ja siguron mbështetje financiare dhe fuqinë e tregut të brendshëm”.
Javëve të fundit ka pasur shkelje të hapësirave ajrore të disa shteteve evropiane afër kufirit me Rusinë dhe Ukrainë, ndërsa dyshohet për inkursione ruse, të cilat Moska zyrtare i mohon.
