Ish-ushtari i UÇK-së, Agim Pllashniku, ka dorëzuar padi dhe kallëzim penal ndaj kryeparlamentarit Dimal Basha, raporton EkonomiaOnline.
Padia lidhet me pretendimet se Ushtria Çlirimtare e Kosovës është financuar nga kartelet e drogës – pretendime këto të cilat kishin ardhur nga një punim ku bashkautor ishte Dimal Basha.
“Të premten, në ora 13:20, në Prokurorinë Speciale do të dorëzojmë kallëzimin penal dhe padinë ndaj Dimal Bashës, për propagandë dhe përhapje të fakteve të pavërteta ndaj Ushtrisë Çlirimtare të Kosovës (UÇK)”, kishte njoftuar të mërkuren avokati i Pllashnikut, Gent Gjini.
