Azem Vllasi, njohës i zhvillimeve politike, e ka quajtur deklaratën e presidentit amerikan, Donald Trump një “sinjal pozitiv” për Kosovën.Sipas Vllasit, është logjike që SHBA, si kontribues kyç në shtetformimin e Kosovës, të angazhohet që edhe Serbia ta njohë Kosovën.
“Meqë SHBA ka kontribuar në çlirimin e Kosovës nga Serbia në vitin 1999 dhe në shpalljen e saj shtet të pavarur dhe sovran në vitin 2008 dhe ndër të parat na ka njohur si shtet, është e logjikshme që Trump të angazhohet që edhe Serbia ta njeh Kosovën si shtet”, vlerësoi Vllasi.
Ai shtoi se presidenti Trump nuk i lë punët përgjysmë dhe se pretendimet e Serbisë për të mohuar shtetësinë e Kosovës janë të kota.
Vllasi përshëndeti angazhimin e Trump në këtë drejtim, duke e parë si një hap drejt paqes dhe stabilitetit afatgjatë në rajon.
“Trump nuk i len punët në gjysmë dhe nuk ka logjikë që të ketë mirëkuptim për pretendimet dhe përrallat e Serbisë, e cila e konteston Kosovën si shtet të pavarur e sovran. Ato pretendime janë të kota.
Nëse Vuçiqi donë marrëdhënie normale me SHBA, duhet ta din se ky shtet që ka kontribuar esencialisht për çlirimin nga Serbia dhe shtetbërjen e Kosovës, të dyja këto i njeh si shtete të pavarura e sovrane dhe u dëshiron marrëdhënie normale si të tilla”, përfundoi Vllasi për “Front Online”.
