“Tani topi të Putini”, thotë Scholz pasi Ukraina e pranoi propozimin e SHBA-së për armëpushim

Kancelari gjerman në largim, Olaf Scholz, përshëndeti të mërkurën përkrahjen e Ukrainës për një plan armëpushimi 30-ditor të propozuar nga SHBA, duke thënë se vendimi për hapat e ardhshëm i takon presidentit rus Vladimir Putin.

“Ideja e një armëpushimi 30-ditor është një hap i rëndësishëm dhe korrekt drejt një paqeje të drejtë për Ukrainën… Tani i takon Putinit”, tha Scholz në platformën e mediave sociale X.

Rezultati i bisedimeve mes SHBA-së dhe Ukrainës në Jeddah u përshëndet edhe nga kryeministri spanjoll Pedro Sánchez, i cili tha se propozimi i armëpushimit ishte një lajm pozitiv.

Ukraina është pajtuar me propozimin amerikan për një armëpushim 30-ditor në luftën kundër pushtimit rus, duke shtyrë Shtetet e Bashkuara që të njoftojnë se menjëherë do të heqin pezullimin e ndihmës ushtarake, përfshirë edhe atë lidhur me ndarjen e informacioneve të inteligjencës.