Sot kandidati i LDK’së për kryeministër, Lumir Abdixhiku, dhe kryetari i Prishtinës, Përparim Rama, nënshkruar një marrëveshje për investime 1.5 miliardë euroshe për kryeqytetin.
Ai në këtë takim tha se nuk do të flasin për “miza” por për investime.
“Sot me Përparimin nuk e kemi njet me fol për miza, sot me Përparimin e kemi ndërmend me fol për 1.5 miliardë euro investime për kryeqytetin e Kosovës.
Një nga të pranishmit e shtroi një pyetje: “Unë e kisha thënë: çfarë përgjegjësi merrni pas katër vitesh, në qoftë se prapë takohemi në këtë vend”.
“Para zotit, para popullit, para familjes, para gjithë vendit”, u përgjigj Abdixhiku.
Ai u zotua se këto projekte do të realizohen.
“Do të bëhen, besoni se do të bëhen. Kosova ka nevojë për ambicie të lartë. Për besim në vendin e vet”, shtoi ai.
