Kryeshefi Ekzekutiv i NP “Termokos”, z. Fisnik Osmani, bashkë me nënkryetaren e Prishtinës, njëkohësisht drejtoreshë e Drejtoratit për Arsim në Komunën e Prishtinës, znj. Jehona Lushaku-Sadriu, kanë nënshkruar marrëveshje bashkëpunimi me përfaqësuesit e tri shkollave të mesme të larta: “28 Nëntori”, “Hoxhë Kadri Prishtina” dhe “Gjin Gazuli”.
Këto marrëveshje kanë për qëllim të krijojnë mundësitë që nxënësit e këtyre shkollave të aplikojnë njohuritë e tyre teorike në pjesën praktike të punës, në profilet ku kjo është e mundur, në NP “Termokos”. Kjo do të ndihmojë në ngritjen profesionale të kuadrove të reja!
NP “Termokos” jo vetëm që përmbush me sukses misionin e saj për të ofruar ngrohje të mjaftueshme dhe cilësore, por gjithashtu ka shndërruar veten në një adresë të rëndësishme për përgatitjen profesionale të të rinjve.
Kohë më parë, NP “Termokos” ka nënshkruar marrëveshje të ngjashme bashkëpunimi edhe me shkollën e mesme të makinerisë “Shtjefën Gjeçovi”.
Termokos,po i jep kuptim Prishtinës së gjelbër!
