Në fillim të javës mbetet ngrohtë dhe kryesisht me diell. Nga e mërkura ftohtë, me mundësi për reshje të dobëta shiu.
27.10.2019 – Motit të ngrohtë që mbizotërojë këto dy javët e shkuara po i vjen fundi. Nga mesi i javës fusha të presionit të ulët nga Atlantiku do të depërtojnë mbi Itali, e nga veriu i kontinentit masa të ftohta ajrore do të shtrihen mbi rajon, që do të sjellin mot të ftohtë dhe rënie të theksuar të temperaturave në të dy vlerat ekstreme.
Ditëve të para të javës do të mbetet ngrohtë, dhe kryesisht me diell, e nga dita e mërkurë do të mbajë mot i ftohtë, kryesisht me vransira, e priten mundësi edhe për reshje të dobëta shiu.
Ditëve të para të javës për shkak të qarkullimit të dobët ajror koncentrimi i ndotësve do të mbetet në vlera të larta, me cilësi të ajrit përreth vlerave të pashëndetshme. Mirëpo nga dita e mërkurë kur parashihen edhe erëra mesatarisht të fuqishme, ndotësit do të shpërndahen, ndërkaq indeksi
i cilësisë së ajrit do të zbres në vlera të mira dhe mesatare.
28.10 – Ngrohtë, kthjellët dhe me diell. Në mëngjes ftohtë.
29.10 – Mbetet ngrohtë, me vransira dhe diell. Në mëngjes ftohtë.
30.10-31.10 – Mot i ftohtë, kryesisht me vransira dhe intervale me diell, vende-vende me mundësi për reshje të dobëta shiu.
1.11 – Herët në mëngjes riga lokale shiu. Ditën ftohtë, kryesisht me vransira dhe intervale me diell.
Temperaturat minimale do të luhaten nga 1C deri në 4C, e maksimalet do të zbresin nga 23C, në fillim të javës deri në 9C, ditën e enjte.
Do të fryejë erë e lehtë nga verperëndimi 1-3m/s, e nga dita e mërkurë mesatarisht e fuqishme nga verlindja 3-10m/s.
Shtypja atmosferike do të zbres rreth vlerave normale, e më pas do të shënojë rritje.
