Gazetari shumëvjeqarë në mediat e Kosovës, Florent Zeqaj, ka reaguar me një shkrim emocional për situaten e largimit të të rinjëve nga Kosova për në gurbet.
Ky është shkrimi i tij i plotë:
Të dashur të rinj të Kosovës!
Sot jemi përballë sfidave të mëdha si shtet por edhe situatave të panjohura. Ju jeni brezi që ka për detyrë të vazhdojë rrugën e shtetëndërtimit për një të ardhme të ndritur për vendin tonë Kosovën??.
Andaj së bashku mundemi të krijojmë një Kosovë të fortë, të drejtë dhe të lirë. Një Kosovë, ku drejtësia dhe barazia janë themeli i shoqërisë sonë. Angazhimi juaj aktiv do të jetë shpresa jonë më e madhe për një të ardhme të sigurtë. Për një arsim, shëndetësi, siguri dhe ekonomi më të fortën në rajon.
Të rinjtë kanë fuqinë për ta ndryshuar botën. Andaj mos ikni por punoni për ta ndryshuar Kosovën sepse atdhe tjetër nuk kemi.
Mos hezitoni të përfshiheni, të shprehni ide, dhe të punoni së bashku për ndryshime pozitive. Për ngritjen e një shoqërie të hapur, tolerante dhe inovative e cila do të jetë sfida e përbashkët, por e arritshme.
Bëhuni promotorë të paqes, bashkëpunimit rajonal, dhe integrimit në bashkësinë ndërkombëtare. Jeni shëmbull?!
E di se nuk është e lehtë por dua t’u inkurajoj të mos e humbni shpresën dhe të kujdeseni për shtetin e Kosovës. Ikja nga vendi nuk është zgjidhje.
Bashkë, jemi forca më e madhe që Kosova ka. Pa ju Kosova nuk ka jetë e as prespektivë.
Ju jeni shpresa, jeni fuqia, jeni ndryshimi, vullneti dhe amaneti i dëshmorëve të Kombit qe e dhanë jetën për lirinë tuaj e shtetin e Kosovës!
Mos ja ktheni shpinën Kosovës??❤️
Kosova ka nevojë për ju❤️
