Dy ish-komandantët e UÇK-së, Ramush Haradinaj dhe Fatmir Limaj do të bëhen bashkë përsëri pas 25 vitesh. Megjithatë këtë herë, Haradinaj e Limaj do t’i bashkojnë forcat e tyre politike në një koalicion të përbashkët.
Burime të Telegramitsot, brenda partisë që drejton Haradinaj kanë bërë të ditur se është arritur një marrëveshje për bashkëpunim në mes të AAK-së dhe NISMA-s së Famtir Limajt.
Siç ka konfirmuar ky burim, zyrtarizmi i koalicionit do të bëhet sot gjatë ditës.
Arritja e kësaj marrëveshje politike vjen kur tashmë Kosova ka hyrë pothuajse në një vit zgjedhor dhe kur gjithandej nëpër studio televizive flitet për zgjedhjet e reja. Limaj para këtij bashkimi me AAK-në, kishte biseduar edhe për mundësinë e kthimit në PDK, por kjo nuk ishte pranuar.
