Gjatë 24 orëve të fundit në Kosovë kanë vdekur tre persona të cilët ishin të prekur me COVID-19.
Kështu bëri të ditur Instituti Kombëtar i Shëndetësisë Publike, sipas të cilit, gjatë këtij harku kohor u regjistruan 341 raste të reja.
“Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Pejë 1 rast (75 vjeç), Suharekë 1 rast (40 vjeç) dhe Vushtrri 1 rast (90 vjeç)”, thuhet në njoftimin e këtij instituti.
Po ashtu, IKSHPK bën të ditur se brenda 24 orëve të fundit janë shëruar 207 pacientë të cilët ishin të infektuar me koronavirus.
