Sot janë bërë 22 vjet nga përballë e parë frontale e Ushtrisë Çlirimtare të Kosovës në krye me komandantin legjendar Adem Jashari.
Përballja u zhvillua në fshatin Vojnik të Skenderajt, policia serbe u tërhoq me humbje nga luftimet.
Të nesërmën forcat serbe kishin nisur një aksion hakmarrje ndaj Adem Jasharit me bashkëluftëtarë.
Por atyre nuk ju shkoi si edhe kishin planifikuar.
Ademi me shokë i kthyen mbrapsht forcat e policisë.
Në tërheqje e sipër, forcat serbe, të egërsuara nga goditjet që u kishte dhënë Adem Jashari, filluan të qëllojnë pa mëshirë kundër kujtdo që shihnin dhe në fshatin Llaushë ata vranë mësuesin Halit Geci, në derë të shkollës, i cili u varros me një ceremoni të madhe më 28 nëntor 1997.
Në këtë ceremoni, ku morën pjesë shumë njerëz, me urdhër të Adem Jasharit, dolën në tribunë për herë të parë përfaqësuesit e UÇK-së.
Të parët që dolën ishin Mujë Krasniqi-Kapuqi, Rexhep Selimi dhe Daut Haradinaj.
