Një rast i dhunës në familje është raportuar pasditen e djeshme në Lagjen e Spitalit në Prishtinë.
Rreth orës 15:45, policia është njoftuar për një konflikt mes dy vëllezërve, M. Flugaj rreth 28-vjeçar dhe S. Flugaj rreth 31-vjeçar. Të njëjtit janë takuar në rrugën “Kalaja e Prizrenit”, ku pas një mosmarrëveshjeje janë përfshirë në përleshje fizike.
Sipas deklaratës së S. Flugajt, gjatë konfliktit vëllai i tij, ka ekspozuar një thikë me qëllim që ta frikësojë. Policia ka sekuestruar mjetin e mprehtë si provë materiale.
Të dy palët janë shoqëruar në Stacionin Policor Jugu dhe janë intervistuar në cilësinë e të dyshuarve. Ata kanë refuzuar të marrin tretman mjekësor.
Me urdhër të Prokurorit Kujdestar, është iniciuar rast ndaj tyre për veprat penale “Dhunë në Familje” dhe “Kanosje”. Të dyshuarit janë liruar në procedurë të rregullt.
