Tashmë në Kosovë kanë mbërritur dozat e para të vaksinave antiCOVID përmes COVAX,
Por, infektologu, Ilir Tolaj, ka thënë se 1/3 e popullsisë së Kosovës tashmë e ka kaluar koronavirusin dhe se ky numër i vaksinave është simbolik.
“Ky numër i vaksinave është simbolik. Në ecurinë e pandemisë nuk do të ketë ndonjë ndikim substancial në kuptim të ndalesës së numrit të madh meqenëse me këtë kontingjent do të të vaksinohen rreth 11 mijë persona”, tha Tolaj për RTV Dukagjini.
Ai tha se që vaksinimi të ketë ndikim, duhet që minimum të vaksinohen 300 mijë njerëz dhe mundësisht ata që nuk e kanë kaluar infeksionin.
“Që vaksinimi të ketë ndikim duhet që minimum të vaksinohen minimum 300 mijë njerëz dhe këtë mundësisht ata që nuk e kanë kaluar infeksionin ndërsa sa më shumë që vaksinohen aq më lehtë do të krijohet ai imuniteti i përgjithshëm së bashku me këta që e kanë kaluar. Ne e kemi kaluar relativisht shumë, ndoshta 1/3 e popullatës por që sërish nuk mjafton për të krijuar atë imunitetin e popullatës”, theksoi Tolaj.