Në të gjitha pikat e kalimit kufitar të Kosovës, me përjashtim të Vërmicës dhe Merdares, nuk ka pritje për hyrje-dalje.
Sonte në orën 22:00 ka hyrë në fuqi ora policore, e cila zgjat deri në 05:00 të mëngjesit dhe do të jetë në fuqi deri më 13 shtator kur do të bëhet rishikimi i masave antiCOVID.
Sipas të dhënave të Ministrisë së Punëve të Brendshme, në ueb faqen e saj, në orën 23:18, ka kolonë me automjete 1 kilometër në Vërmicë, nga pjesa e territorit të shtetit shqiptar, ku pritjet janë nga 3 deri 5 minuta.
Kolonë me automjete prej 50 metra ka edhe në Merdare, ku pritjet janë më të mëdha, përkatësisht nga 20 deri 30 minuta.
