Presidenti serb, Aleksandar Vuçiq ka thënë se gjatë takimit në Uashington me homologun e tij kosovar, Hashim Thaçi nuk kanë biseduar për asgjë të veçantë, për linjën ajrore, projektet e infrastrukturës.
Kreu i shtetit serb për Tv Pink ka thënë se e ka informuar Thaçin edhe për çnjohjen e djeshme nga Sierra Leone.
“I thashë Thaçit që nesër ta pres një tërheqje të re të njohjes, njëjtë sikurse i njoftova edhe mediat në Serbi”, tha Vuçiq.
Presidenti serb thotë gjithashtu se “tërheqja e njohjeve të Kosovës është e mirë për vendin e tij por problemi nuk është zgjidhur”.
Për të njëjtin takim që e patën në Uashington por edhe tërë vizitën në Shtetet e Bashkuara të Amerikës, homologu kosovar i Vuçiqit, Hashim Thaçi ka kërkuar seancë të Kuvendit.
